Este luns o candidato ao reitorado, Xosé Luís Armesto, reuniuse coa comunidade académica da Escola Técnica Superior de Arquitectura no Salón de graos do centro. Foi presentado polo Director, Xosé Manuel Casabella, quen agradeceu a comprensión que sempre mostrou o candidato, como Vicerreitor de Profesorado, coas circunstancias singulares dos estudos de Arquitectura.
Xosé Luís Armesto fixo referencia á súa experiencia persoal durante o tempo que dedicou á xestión, e a como, desde a súa condición de vicerreitor, ampliou a súa visión da universidade, a través do coñecemento puntual de todos e cada un dos centros da universidade e das súas necesidades. Por iso, as propostas da Vicerreitoría sempre procuraron adaptarse ás condicións particulares de cada centro: por exemplo, no caso da Escola de Arquitectura, onde as actividades docentes deben relacionarse coa práctica profesional.
A continuación estableceuse un debate no que surxiron cuestións como o financiamento da universidade por parte da sociedade, os proxectos de investigación, os convenios, as patentes, a necesidade de mellorar as relacións coa contorna. Tratouse especificamente a investigación en Arquitectura e a importancia da política de profesorado para mellorar os resultados da investigación, a través da cualificación do profesorado, a admisión de estudantes, e a participación do profesorado nos mestrados universitarios que se imparten na Escola. O candidato sinalou o seu compromiso, nos próximos cursos e de ser elixido, de incluír o recoñecemento da docencia dos mestrados no POD, e destacou a súa aposta pola cooperación dentro do SUG, a través da oferta títulos de mestrado e de grao interuniversitarios, ou en colaboración con entidades externas, coma xa se realiza neste centro.
Xosé Luís Armesto fixo referencia á súa experiencia persoal durante o tempo que dedicou á xestión, e a como, desde a súa condición de vicerreitor, ampliou a súa visión da universidade, a través do coñecemento puntual de todos e cada un dos centros da universidade e das súas necesidades. Por iso, as propostas da Vicerreitoría sempre procuraron adaptarse ás condicións particulares de cada centro: por exemplo, no caso da Escola de Arquitectura, onde as actividades docentes deben relacionarse coa práctica profesional.
A continuación estableceuse un debate no que surxiron cuestións como o financiamento da universidade por parte da sociedade, os proxectos de investigación, os convenios, as patentes, a necesidade de mellorar as relacións coa contorna. Tratouse especificamente a investigación en Arquitectura e a importancia da política de profesorado para mellorar os resultados da investigación, a través da cualificación do profesorado, a admisión de estudantes, e a participación do profesorado nos mestrados universitarios que se imparten na Escola. O candidato sinalou o seu compromiso, nos próximos cursos e de ser elixido, de incluír o recoñecemento da docencia dos mestrados no POD, e destacou a súa aposta pola cooperación dentro do SUG, a través da oferta títulos de mestrado e de grao interuniversitarios, ou en colaboración con entidades externas, coma xa se realiza neste centro.