ASISTA, realidades

A Xunta de Galicia ven de informar da concesión a UDC dos fondos necesarios para a construción do Centro de Innovación Tecnolóxica para a Autonomía Persoal dos Maiores e os Colectivos Dependentes (ASISTA). Estes fondos, incrementados no 30% de cofinanciación, fan un total de 5,86 millóns de euros.

O ASISTA ten como obxectivo converterse no centro de referencia no relativo á autonomía dos maiores e os colectivos de dependentes. O novo edificio estará situado no Parque Tecnolóxico da UDC en Elviña. Con 4.000 metros cadrados construídos, as principais funcións do futuro ASISTA xirarán en torno a tres áreas biomédicas como son a xerontoloxía; a neurociencia e rehabilitación; e a medicina e calidade de vida.

Este en unha peza mais no proxecto a longo prazo elaborado polo actual equipo de goberno da UDC que, tomando como base o seu plan estratéxico, colocou ao Parque Tecnolóxico como peza clave para a potenciación da investigación, a transferencia e a internacionalización das súas actividades.

Nova Luce non pode mais que reafirmase na súa aposta por este camiño emprendido fai case oito anos e nas medidas adoptadas polo actual equipo de goberno que leva a practica o modelo de universidade plural, aberta, participativa e transparente que sempre defendemos e seguimos a defender co apoio maioritario da comunidade da UDC.

Reparto FEDER 2011, as cifras

Segundo informa a Xunta de Galicia, as universidades do Sistema Universitario de Galicia percibirán no ano 2011 un total de 7,81 millóns de euros procedentes dos fondos FEDER para infraestruturas científico-tecnolóxicas, montante que será incrementado co 30% adicional de cofinanciación. O obxectivo é que as tres institucións conten co equipamento necesario para o desenvolvemento das súas actividades de investigación.

A distribución desta contía en base a calidade dos proyectos presentados e decidida nunha reunión da Comisión Nacional de Selección de Proxectos FEDER, é a seguinte: a UDC, percibirá 3,61 millóns para o desenvolvemento de 12 proxectos, a USC disporá de 2,47 millóns para 18 proxectos e a de UVIGO contará con 1,72 millóns para catro proxectos.

Estes son os datos: 3,61 millóns de euros, que si se engade o 30% de cofinanciación, fan un total de 5,15 millóns de euros totais de investimentos para a UDC. Esta distribución supón que a UDC recibiu o 46% dos fondos destinados ao SUG. Se a isto engadimos que o proxecto que recibiu a mellor puntuación na comisión ANEP, tal e como informou o equipo de goberno no último Consello de Goberno, é da UDC temos que felicitar aos nosos responsables de investigación pola elaboración e calidade dos proxectos enviados.

Estes proxectos, maioritariamente solicitados institucionalmente polo Vicerreitorado de Investigación da UDC, son para a creación de infraestruturas xerais que permitirán pór a disposición dos investigadores e investigadoras medios e instalacións para o desenvolvemento da súa actividade investigadora.

Desde Nova Luce congratulámonos do resultado e animamos ao Equipo de Goberno a que siga traballando para pór a disposición dos investigadores/as da UDC as infraestruturas necesarias para que os resultados da investigación poidan seguir incrementando non só en cantidade senón tamén en calidade e impacto na comunidade científica internacional.